Բռունցքներով իրար վրա հարձակված պատգամավորներին հանգստացնել փորձել են անգամ քեմալականները. Ժողովրդահանրապետական կուսակցության պատգամավորների միջամտությունը, սակայն, նույնպես ապարդյուն էր: Թուրքիայի խորհրդարանում տեղի ունեցածը Sputnik Արմենիայի համար մեկնաբանում է թուրքագետ Լևոն Հովսեփյանը:
Հովսեփյանի խոսքով՝ դա այլևս արտառոց բան չէ Թուրքիայի խորհրդարանի համար: «Այս տարվա մեջ սա արդեն որերորդ դեպքն է, որ Թուրքիայի իշխող կուսակցության և քրդամեդ Ժողովուրդների դեմոկրատական կուսակցության ներկայացուցիչները բռունցքներ են գործադրում: Այն արդեն իր պատմությունն ունի»,-ասաց թուրքագետը: Ըստ Հովսեփյանի՝ Էրդողանը որոշել է քրդական խնդիրը լուծել քաղաքական և ռազմական կոշտ մեթոդներով, և իշխանության ներկայացուցիչները, այդ թվում նաև խորհրդարանական, ազատ են բռունցքների դիմելու հարցում:
