ԵՐԵՎԱՆ, 13 դեկտեմբերի — Sputnik. 2016 թվականի ընթացքում Ռոնալդուն մեծ ներդրում ունեցավ Եվրո-2016-ում Պորտուգալիայի հաղթանակի մեջ: Բայց Եվրոպայի չեմպիոնի կոչումը միակ չէր Քրիշտիանուի համար: Պորտուգալացին «Ռեալի» կազմում դարձել է Չեմպիոնների լիգայի հաղթող ու նվաճել Եվրոպայի սուպերգավաթը: Այդպիսով, Ռոնալդու-Մեսսի դիմակայությունը «Ոսկե գնդակի» նվաճումների թվով շարունակվում է:
Ռոնալդուն այս հեղինակավոր մրցույթում հաղթող դարձավ չորրորդ անգամ, բայց Լիոնել Մեսսին ունի հինգ «Ոսկե» գնդակ: Այդ առումով երկու ֆուտբոլիստներն իրենց հավասարը չունեն:
Սկսած 2008 թվականից՝ «Ոսկե գնդակը» հանձնվում է միայն այս երկու ֆուտբոլիստներին: 2008-ին մրցանակը ստացավ Ռոնալդուն: Այնուհետև, չորս անգամ անընդմեջ Եվրոպայում տարվա լավագույն ֆուտբոլիստ ճանաչվեց Լեո Մեսսին: 2013 և 2014 թվականներին լավագույնը նորից Ռոնալդուն էր, իսկ վերջին երկու տարիների ընթացքում կողմերը հավասար արդյունք ունեցան այդ մրցույթում:
Հավելենք, որ «Ոսկե գնդակի» հաղթողի որոշելու գործընթացը 2016 թվականին փոխվեց: 2010 թվականին FIFA-ն և Franc Football-ը միավորվեցին լավագույն ֆուտբոլիստին որոշելու հարցում: Իսկ այս տարվանից կողմերը արդեն ընդհանուր հայտարարի չեկան, ու հեղինակավոր մրցանակը շարունակում է հանձնել ֆրանսիական պարբերականը:
Ֆուտբոլասերներին հիշեցնենք, որ «Ոսկե գնդակի» մրցանակը հանձնվում է՝ սկսած 1956 թվականից, ու առաջին դափնեկիրը եղել է Սթենլի Մեթյուզը: Մրցույթում միակ դարպասապահը, որը լավագույնն է ճանաչվել, եղել է նախկին ԽՍՀՄ-ի հավաքականի ու Մոսկվայի «Դինամոյի» դարպասապահ Լև Յաշինը, որը «Ոսկե գնդակին» արժանացել է 1963 թվականին: ՈՒԵՖԱ-ի նախկին նախագահ Միշել Պլատինին առաջին էր, որն այս մրցանակին արժանացավ երեք անգամ անընդմեջ՝1983,1984,1985 թվականներին: Ստորև ներկայացնում ենք ոսկե գնդակի դափնեկիրներին՝
1956. Սթենլի Մեթյուզ` Անգլիա, Բլեքպուլ
1957. Ալֆրեդո Դի Ստեֆանո` Իսպանիա, Ռեալ(Մադրիդ)
1958. Ռայմոն Կոպա` Ֆրանսիա, Ռեալ(Մադրիդ)
1959. Ալֆրեդո Դի Ստեֆանո` Իսպանիա, Ռեալ(Մադրիդ)
1960. Լուիս Սուարես` Իսպանիա, «Բարսելոնա»
1961. Օմար Սիվորի` Իտալիա, «Յուվենտուս»
1962. Յոզեֆ Մասոպուստ` Չեխոսլովակիա, «Դուկլա»(Պրահա)
1963. Լև Յաշին ԽՍՀՄ «Դինամո»(Մոսկվա)
1964. Դենիս Լոու` Շոտլանդիա, Ման. Յունայթեդ
1965. Էյսեբիո` Պորտուգալիա, Բենֆիկա
1966. Բոբբի Չառլթոն` Անգլիա, Ման.Յունայթեդ
1967. Ֆլորիան Ալբերտ` Հունգարիա, Ֆերենցվարոշ
1968. Ջորջ Բեսթ` Հյուս.Իռլանդիա, Ման. Յունայթեդ
1969. Ջանի Ռիվերա` Իտալիա, Միլան
1970. Գերդ Մյուլլեր` Գերմանիա, Բավարիա
1971. Յոհան Կրոյֆ` Նիդեռլանդներ, Այաքս
1972. Ֆրանց Բեկենբաուեր` Գերմանիա, Բավարիա
1973. Յոհան Կրոյֆ` Նիդեռլանդներ, Այաքս, Բարսելոնա
1974. Յոհան Կրոյֆ` Նիդեռլանդներ, Բարսելոնա
1975. Օլեգ Բլոխին` ԽՍՀՄ, Դինամո(Կիև)
1976. Ֆրանց Բեկենբաուեր` Գերմանիա, Բավարիա
1977. Ալան Սիմոնսեն` Դանիա, «Բորուսիա»(Մ.)
1978. Կևին Քիգան` Անգլիա, Համբուրգ
1979. Կևին Քիգան` Անգլիա, Համբուրգ
1980. Կառլ Հայնց Ռումենիգե` Գերմանիա, Բավարիա
1981. Կառլ Հայնց Ռումենիգե` Գերմանիա, Բավարիա
1982. Պաոլո Ռոսսի` Իտալիա, Յուվենտուս
1983. Միշել Պլատինի Ֆրանսիա Յուվենտուս
1984 Միշել Պլատինի Ֆրանսիա Յուվենտուս
1985 Միշել Պլատինի Ֆրանսիա Յուվենտուս
1986 Իգոր Բելանով ԽՍՀՄ «Դինամո»(Կիև)
1987. Ռուուդ Գուլիտ` Նիդեռլանդներ ՊՍՎ, Միլան
1988. Մարկո Վան Բաստեն` Նիդեռլանդներ, Միլան
1989. Մարկո Վան Բաստեն` Նիդեռլանդներ, Միլան
1990. Լոթար Մաթեուս` Գերմանիա, Ինտեր
1991. Ժան Պյեր Պապին` Ֆրանսիա, Մարսել
1992. Մարկո Վան Բաստեն` Նիդեռլանդներ, Միլան
1993. Ռոբերտո Բաջո` Իտալիա, Յուվենտուս
1994. Խրիստո Ստոիչկով` Բուլղարիա, Բարսելոնա
1995. Ջորջ Վեա Լիբերիա` ՊՍԺ, Միլան
1996. Մաթթիաս Զամեր` Գերմանիա, «Բորուսիա»(Դ.)
1997. Ռոնալդո Բրազիլիա` Բարսելոնա, Ւնտեր
1998. Զինեդին Զիդան` Ֆրանսիա, Յուվենտուս
1999. Ռիվալդո` Բրազլիա, Բարսելոնա
2000. Լուիշ Ֆիգու` Պորտուգալիա, Բարսելոնա, Ռեալ
2001. Մայքլ Օուեն` Անգլիա, Լիվերպուլ
2002. Ռոնալդո` Բրազիլիա, Ինտեր, Ռեալ
2003. Պավել Նեդվեդ` Չեխիա, Յուվենտուս
2004. Անդրեյ Շևչենկո` Ուկրաինա, Միլան
2005. Ռոնալդինյո` Բրազիլիա, Բարսելոնա
2006. Ֆաբիո Կանավարո` Իտալիա, Յուվենտուս, Ռեալ
2007. Կակա` Բրազիլիա Միլան
2008. Քրիշտիանու Ռոնալդու` Պորտուգալիա, Ման.Յունայթեդ
2009. Լիոնել Մեսսի` Արգենտինա, Բարսելոնա
2010. Լիոնել Մեսսի` Արգենտինա, Բարսելոնա
2011. Լիոնել Մեսսի` Արգենտինա, Բարսելոնա
2012. Լիոնել Մեսսի` Արգենտինա, Բարսելոնա
2013. Քրիշտիանու Ռոնալդու` Պորտուգալիա, Ռեալ(Մադրիդ)
2014. Քրիշտիանու Ռոնալդու` Պորտուգալիա, Ռեալ(Մադրիդ)
2015. Լիոնել Մեսսի` Արգենտինա, Բարսելոնա
2016. Քրիշտիանու Ռոնալդու` Պորտուգալիա, Ռեալ(Մադրիդ)
