Հենրիկ Նավասարդյան
Համար 69 միկրոավտոբուսային երթուղու աշխատանքների դադարեցման հետ կապված Sputnik Արմենիային պարզաբանում է տվել Երևանի քաղաքապետարանի աշխատակազմի տրանսպորտի վարչության պետ Հենրիկ Նավասարդյանը։
Նրա խոսքով` 69 համարի երթուղու սպասարկող կազմակերպությունը հրաժարվել է այդ երթուղու հետագա գործարկումից, որովհետև միկրոավտոբուսային երթուղին չի կարողացել մրցակցել ավտոբուսային երթուղիների հետ։ «Այն սպասարկում էր Նորքի 9-րդ զանգվածից դեպի Երիտասարդական։ Նույն ուղղությամբ աշխատում են ևս 4 ավտոբուսային երթուղիներ»,-ասում է Հենրիկ Նավասարդյանը։ Տրանսպորտի վարչության պետը կարծում է, որ ուղևորները նախընտրում են ավտոբուսը միկրոավտոբուսից, դրա համար 69 երթուղին մրցակցությունից դուրս է մնացել։
