ԵՐԵՎԱՆ, 12 դեկտեմբերի — Sputnik. Հեռուստահաղորդավար Գարիկ Մարտիրոսյանը երկրպագուներին ցնցել է իր նոր ոճով, որի պատճառը Հենրիխ Մխիթարյանի խփած գոլն է եղել Անգլիական պրեմիեր լիգայում։
«Տոտենհեմի» հետ «Մանչեսթեր Յունայթեդի» խաղից առաջ Գարիկ Մարտիրոսյանն ասել էր, որ եթե Հենրիխ Մխիթարյանը գոլ խփի, ինքը կսափրի գլուխը։
Խոսքից գործի անցնելու պահը չուշացավ։ Մխիթարյանը գոլ խփեց, Մարտիրոսյանը սափրեց գլուխը։
Նա Instagram-ում տեղադրել է իր սափրագլուխ նկարը և գրել. «Մխիթարյանը խփեց։«Մանչեսթերը» հաղթեց։ Մարտիրոսյանն ասաց՝ Մարտիրոսյանն արեց։ GO Mkhitaryan!!! GO MU!!!!!»։
