ԵՐԵՎԱՆ, 11 դեկտեմբերի — Sputnik. Sputnik և RT-ի գլխավոր խմբագիր Մարգարիտա Սիմոնյանը մեկնաբանել է Ռուսաստանում ԱՄՆ-ի նախկին դեսպան Մայքլ Մակֆոլի խոսքերն այն մասին, որ Sputnik գործակալությունը և RT հեռուստաալիքը պետք է գրանցել որպես արտասահմանյան գործակալներ, գրում է ՌԻԱ Նովոստին:
«Իմ կարծիքով՝ Մակֆոլն ուղղակի նեղացել է մեզնից: Մենք նրան հաճախ ենք քննադատում, պետք է ասել՝ արդարացի, որովհետև մենք քիչ մարդկանց գիտենք, որոնոք, կոչված լինելով կարգավորել մյուս երկրների հետ հարաբերությունները, կարողացել են անձնական ներդրում ունենալ այդ հարաբերությունները փչացնելու մեջ: Դա հենց Մակֆոլն է, այն մարդը, որը դեսպան եղած ժամանակ, դրանից հետո և առաջ շատ բան է արել՝ հակառուսական հիստերիան զարգացնելու համար: Ինչպես տեսնում եք՝ նա շարունակում է դա անել»,- ասել է Սիմոնյանը:
Ինչպես նշել է Սիմոնյանը, եթե Մակֆոլն իսկական դիվանագետ լիներ, նա կհիշեր, որ «դիվանագիտության մեջ ամեն ինչ հիմնվում է փոխադարձության սկզբունքի վրա»:
Այդպիսով, եթե ԱՄՆ-ում խանգարեն ռուսական ԶԼՄ-ների աշխատանքին, հավանաբար, Ռուսաստանում ամերիկյան ԶԼՄ-ների նկատմամբ կարող են գործել նման միջոցներ, ասել է Մարգարիտա Սիմոնյանը:
Նա հավելել է, որ չի աշխատում դիվանագիտական տեսչությունում, և իր համար բարդ է գուշակել, թե իրականում, կգնա՞ն ամերիկյան իշխանությունները ռուսական ԶԼՄ-ների դեմ ճնշումների, հատկապես «քարոզվող բազմաթիվ ազատությունների» ֆոնին:
«Հուսով եմ, որ ոչ, և այս հայտարարությունը կմնա նեղացած մարդու հերթական ծիծաղելի երևակայության արդյունքը», — ասել է Սիմոնյանը:
Ավելի վաղ Մակֆոլը Washington Post թերթում հոդված է հրապարակել, որում առաջարկել է ամերիկյան իշխանություններին՝ մտածել այն մասին, որպեսզի Sputnik գործակալությունը և RT հեռուստաալիքը գրանցեն որպես արտասահմանյան գործակալներ:
Մակֆոլը մեղադրել է ԶԼՄ-ներին նրանում, որ ԱՄՆ-ի նախագահի ընտրություններում նրանք աջակցել են Դոնալդ Թրամփին: Ինչպես նշել է նախկին դիվանագետը, ԶԼՄ-ների նման դիրքորոշումը հակասում է ԱՄՆ Սահմանադրության առաջին շտկմանը, որը երաշխավորում է խոսքի ազատություն, նա կոչ է արել օրենսդիրներին՝ լուծել այդ հարցը:
