ԵՐԵՎԱՆ, 10 դեկտեմբերի — Sputnik. ՀՀ և ԼՂՀ նախագահները դեկտեմբերի 10-ին այցելել են Մատաղիսի և Թալիշի շրջակայքում գտնվող պաշտպանական դիրքեր: Այս մասին հայտնում է ՀՀ նախագահի մամուլի ծառայությունը:
Նախագահներն ունկնդրել են զորամասի հրամանատարի զեկույցը, որից հետո հայկական երկու հանրապետությունների ղեկավարներին ներկայացվել են ինժեներական և ամրաշինական ենթակառուցվածքներն ու հուսալի պաշտպանություն իրականացնելու նոր տեխնոլոգիաները: Հայաստանի Հանրապետության Նախագահը խրախուսել է ծառայության մեջ աչքի ընկած զինծառայողներին:
ԼՂՀ պաշտպանական մեկ այլ շրջանում տեղի է ունեցել հերթական զորանոցի և զորամասի օժանդակ շինությունների բացում, որից հետո Նախագահներ Սերժ Սարգսյանը և Բակո Սահակյանը Արցախ այցելած ՀՀ արվեստի գործիչների հետ ներկա են գտնվել շարահրապարակում անձնակազմի համար կազմակերպված համերգին:
Երեկոյան Ստեփանակերտի մշակույթի և երիտասարդության պալատում ՀՀ և ԼՂՀ նախագահները ներկա են գտնվել «Ամուր հավատք, հզոր բանակ, պաշտպանված հայրենիք» միջոցառմանը:
![Նախագահ Սերժ Սարգսյանն այցելել է մարտական դիրքեր Նախագահ Սերժ Սարգսյանն այցելել է մարտական դիրքեր - Sputnik Արմենիա](https://cdn.am.sputniknews.ru/img/575/30/5753000_0:55:1500:997_600x0_80_0_0_2ce638130ff5b1d553b5243ec4e4c790.jpg)
![Նախագահը պարգևատրել է զինծառայողներին Նախագահը պարգևատրել է զինծառայողներին - Sputnik Արմենիա](https://cdn.am.sputniknews.ru/img/575/29/5752940_0:0:1499:942_600x0_80_0_0_2755947cd78c0c6c836460ae96403194.jpg)
![Սերժ Սարգսյանի աշխատանքային այցը Արցախ Սերժ Սարգսյանի աշխատանքային այցը Արցախ - Sputnik Արմենիա](https://cdn.am.sputniknews.ru/img/575/28/5752881_0:0:1499:941_600x0_80_0_0_ff53ac1c391caa29d3ad49e5c0902314.jpg)