Արարատի մազի Սիսավան գյուղի հարակից տարածքում դեռևս պահպանվել են ժամանակին այստեղ բնակվող ադրբեջանցիների գերեզմանները: Sputnik Արմենիայի տեսախցիկն այստեղ արձանագրել է Ալիևների գերդաստանին պատկանող մի շարք շիրմաքարեր:
Քանի որ շիրմաքարերի վրա արձանագրությունները ռուսատառ են, նշանակում է դրանք խորհրդային շրջանի են, Sputik Արմենիայի հետ զրույցում ասաց հուշարձանագետ Սամվել Կարապետյանը: Իսկ այն, որ դրանց հիմնական մասի վրա հենց Ալիև ազգանունն է նշված, Սամվել Կարապետյանին չի զարմացնում:
«Ալիև ազգանունն Ադրբեջանում ամենատարածվածներից է: Ամեն տեղ էլ կարելի է հանդիպել: Պարտադիր չէ, որ դա նույն տոհմը լինի, հազարավոր Ալիևներ կան՝ իրարից անկախ»,- ասաց մասնագետը:
Նշենք նաև, որ որոշ գերեզմանաքարեր մի քանի տասնյակ տարվա հնություն ունեն, և խնամքից զուրկ, ժամանակի ու եղանակի ազդեցությունից քայքայվել են:
