ԵՐԵՎԱՆ, 8 դեկտեմբերի — Sputnik. ՀՀ պաշտպանության նախարարության հաշվեկշռում գտնվող ավտոմեքենայի վթարի ենթարկվելու դեպքի առթիվ քրեական գործ է հարուցվել ՀՀ քննչական կոմիտեի զինվորական քննչական գլխավոր վարչության իններորդ կայազորային քննչական բաժնում: Այս մասին հայտնում է ՀՀ քննչական կոմիտեի մամուլի ծառայությունը։
Նշենք, որ այսօր Սյունիքի մարզում Lexus մակնիշի ավտոմեքենայի վարորդը Երևան-Մեղրի ավտոճանապարհի 231-րդ կմ-ում դուրս էր եկել ճանապարհի երթևեկելի գոտուց և, մոտ 40 մետր գլորվելով, հայտնվել էր ձորակում։
ՀՀ ՊՆ մամուլի քարտուղար Արծրուն Հովհաննիսյանը Sputnik Արմենիային հայտնել էր, որ վթարի հետևանքով տեղում մահացել են ավտոմեքենայի վարորդն ու ուղևորը։
