ԵՐԵՎԱՆ, 5 դեկտեմբերի — Sputnik. Հալեպում ռուսական հոսպիտալի գնդակոծության ժամանակ տուժել է արաբական RT հեռուստաալիքի լրագրող Սոմար Աբուդիաբը։ Այդ մասին հաղորդել է Russia Today հեռուստաալիքի գլխավոր խմբագիր Մարգարիտա Սիմոնյանը Twitter-ում իր էջում։
Աբուդիաբը ռուսական միավորման կազմում նկարել է Ալ Ֆուրքան շրջանում հոսպիտալի գնդակոծության հետևանքները, երբ սկսել են կրակել։ Դրա հետևանքով թղթակիցը ստացել է ոտքի թեթև վնասվածք, մնացած լրագրողները չեն տուժել։
Հալեպում, սակայն, հոսպիտալի գնդակոծության ժամանակ մահացել է ռուս բուժքույր-զինծառայող, երկուսը տուժել են։
Ռուսաստանի պաշտպանության նախարարությունը հաստատել է այդ տեղեկությունը։ Վիրավորների շարքում կան տեղի բնակիչներ։
Ռուսաստանի ՊՆ զինվորական բուժաշխատողները գնդակոծության տակ են ընկել այն բանից հետո, երբ սկսել են օգնություն ցուցաբերել քաղաքի ազատագրված արևելյան շրջանների բնակիչներին։
