ԵՐԵՎԱՆ, 4 դեկտեմբերի — Sputnik. Հալեպի արևելյան հատվածի թաղամասերից 30-ն արդեն վերահսկում է Սիրիայի կառավարական բանակը: Այս մասին հայտնում է Ռուսաստանի պաշտպանության նախարարությունը:
«Կառավարական զորքն ազատագրել է քաղաքի ավելի քան 52 տոկոսը»,- նշված է հաղորդագրության մեջ:
ՊՆ-ից նշում են, որ որ սիրական զորքը շարունակում է ռազմական հաջող գործողություններ իրականացնել քաղաքում:
Ավելի վաղ հայտնի էր դարձել, որ սիրիական բանակի զինվորականներն ազատագրել են Հալվանիա թաղամասի մեծ մասը, ինչպես նաև այն ճանապարհի մի մասը, որը տանում է դեպի միջազգային օդանավակայանի մայրուղի: Նրանք կարողացել են Մեյսար շրջանից դուրս բերել արմատական խմբավորումների անդամներին:
