ԵՐԵՎԱՆ, 4 դեկտեմբերի — Sputnik. Տաղանդավոր փոքրիկները՝ Ալեքսանդր Բեյլերյանն ու Սոֆյա Բաղդասարյանը, մասնակցեցին ռուսական Առաջին ալիքով հեռարձակվող «Լավագույնը» շոուին («Лучше всех»):
Սոֆյան զարմացրեց իր աշխարհագրական գիտելիքներով ու 200 պետության անուն թվարկեց՝ նշելով բոլորի մայրաքաղաքները, իսկ Ալեքսանդրն ապշեցրեց իր երաժշտական բացառիկ լսողությամբ և լեզուների իմացությամբ: Պարզվեց, որ նա կարողանում է երգել ռուսերեն, անգլերեն, ֆրանսերեն, իսպաներեն, պորտուգալերեն, վրացերեն, գերմաներեն և կորեերեն:
Ալեքսանդրն ընդամենը 6.5 տարեկան է, բայց արդեն կարդացել է Շեքսպիրի «Համլետը», այն էլ՝ հենց բնօրինակը:
Հատուկ նրա համար կազմակերպված «Գուշակիր մեղեդին» մրցույթի ժամանակ էլ փոքրիկն առանց դժվարության կարողացավ գուշակել բոլոր երգերը: Տղայի զգացմունքային ելույթը զարմացրեց ոչ միայն փորձառու հաղորդավարներին, այլև՝ հանդիսատեսին, չէ՞ որ նա դեռ ընդամենը 6.5 տարեկան է:
