ԵՐԵՎԱՆ, 4 դեկտեմբերի — Sputnik. Քննիչները եզրակացրել են, որ երեխաներին տեղափոխող ավտոբուսի վարորդը կորցրել է կառավարումը:
«Նախնական վարկածի համաձայն` ավտոբուսի վարորդը դուրս է եկել երթևեկելի գոտուց, բախվել է բեռնատարին, հետո՝ մարդատար ավտոմեքենային», —
ՌԻԱ Նովոստին մեջբերում է Ներքին գործերի նախարարության տարածաշրջանային վարչության ներկայացուցչի խոսքերը:
Նշենք, որ Տյումեն-Խանտի-Մանսիյսկ ավտոմայրուղու վրա բախվել են ուղևորատար ավտոբուսը, բեռնատարը և երկու մարդատար ավտոմեքենաները:
Ավտոբուսում գտնվող երեխաները սպորտային ակրոբատիկայի մրցումներից հետո Խանտի-Մանսիյսկից Նեֆտեյուգանսկ էին վերադառնում:
Տարածաշրջանի արտակարգ ծառայությունների տվյալների համաձայն` զոհվել է 12 մարդ, որոնցից 10-ը երեխաներ են:
