Լիլիթ Ավետիսյան
Ավետիսյանը նշում է` տանը մեկը հիվանդանում է, բոլորը հիվանդանում են, ամբողջ ընտանիքը նստում է հիվանդի անկողնու մոտ, ինչը սխալ է սեփական օրգանիզմի պաշտպանության առումով։
«Ընտանիքից միայն մեկը պետք է խնամի հիվանդին, ընդ որում` դիմակով, խնամողն էլ պետք է անընդհատ ձեռքերը լվանա, օդափոխի այն սենյակը, որտեղ պառկած է հիվանդը»,- ասում է մասնագետը։
Նրա խոսքով` շատերն առանց բժշկի նշանակման` հակաբիոտիկ են տալիս հիվանդին` չհասկանալով, որ վիրուսի դեպքում հակաբիոտիկը որևէ հարց չի լուծի։
Ավետիսյանը հորդորում է` սուր շնչառական վարակների ախտանշանների դեպքում անմիջապես պետք է բժիշկ հրավիրել, խուսափել հասարակական վայրերից, անպայման պահպանել հազալու ու փռշտալու հիգիենան, օգտվել միանգամյա օգտագործման անձեռոցիկներից։
