ԵՐԵՎԱՆ, 4 դեկտեմբերի — Sputnik. ՀՀ արտակարգ իրավիճակների նախարարությունը տեղեկացնում է, որ ժամը 16.00-ի դրությամբ ավտոճանապարհը շարունակում է փակ մնալ:
ՀՀ ԱԻՆ-ը դեկտեմբերի 4-ին կապ է հաստատել Վրաստանի հանրապետության ճանապարհների շահագործման և շինարարական օպերատիվ հերթապահի հետ, որը հաղոդել է՝ Լարսի ճանապարհը փակ է, առկա է ձնահյուսի վտանգ: Այս մասին հայտնում է ԱԻՆ մամուլի ծառայությունը:
Ավելի վաղ՝ ժամը 10.07-ին, պարզվել էր, որ անցակետում կուտակվել է 397 տրանսպորտային միջոց (883 քաղաքացի), այդ թվում՝ 139 մարդատար ավտոմեքենա, 33 միկրոավտոբուս, 2 ավտոբուս, 223 բեռնատար:
Անցակետի մոտակայքում գործում է երկու ժամանակավոր կացարան և 1 կունգ տիպի ավտոմեքենա:
