ԵՐԵՎԱՆ, 2 դեկտեմբերի – Sputnik. «Երևանի «Ուրարտու» բասկետբոլային ակումբը չի շարունակի ելույթները Ռուսաստանի Սուպերլիգա-1-ի խաղարկությունում: Այս կապակցությամբ ակումբը հայտարարություն է տարածել։
«Այսօր, մեր ակումբը պաշտոնապես դիմել է Ռուսաստանի բասկետբոլի ֆեդերացիա` առաջնությունից դուրս գալու դիմումով: «Ուրարտուն» ի վիճակի չէ շարունակել ելույթները ֆինանսական ծանր վիճակի պատճառով»,- նշված է հայտարարության մեջ:
«Ուրարտուն» պարտվել է Սուպերլիգա 1-ի մեկնարկային 9 տուրում (1-ը` օվերթայմով). մի քանի խաղերում թիմը շոշափելի առավելություն ուներ, սակայն զիջեց մրցակիցներին: Հասկանալի է` թիմը նոր էր կազմավորված և որոշակի խնդիրներ կային:
