ԵՐԵՎԱՆ, 1 դեկտեմբերի — Sputnik. Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը բարձր գնահատականի է արժանացել «կարմիր սատանաների» կողմից։
Անգլիական ակումբի պաշտոնական կայքում տեղադրվել է Մխիթարյանի կազմակերպած գոլային հարձակումների տեսանյութը հետևյալ գրությամբ. «Մխիթարյանը չորեքշաբթի մեր աստղն էր։ Ահա այսպես է դա տեղի ունեցել»։
Անգլիայի Գավաթի խաղարկության 1/4 եզրափակչում «Մանչեսթեր Յունայթեդը» սեփական հարկի տակ 4:1 հաշվով հաղթեց «Վեսթ Հեմին»: Հանդիպման ընթացքում փայլուն խաղ ցուցադրեց հայ կիսապաշտպան Հենրիխ Մխիթարյանը, որը դարձավ երկու գոլային փոխանցման հեղինակ: Վերջինս փոխարինվեց խաղի 90-րդ րոպեին:
Թեև Մխիթարյանը գոլի հեղինակ չի դարձել, բայց խաղից հետո մանչեսթերյան ակումբի երկրպագուները հենց հայ ֆուտբոլիստին են ընտրել որպես հանդիպման լավագույն ֆուտբոլիստ:
