ԵՐԵՎԱՆ, 2 դեկտեմբերի — Sputnik. Դժվարանցանելի է Սոթք-Քարվաճառ ավտոճանապարհը:Այս մասին հայտնում է ԱԻՆ մամուլի ծառայությունը։
Վանաձոր-Ապարան, Սոթք-Քարվաճառ ավտոճանապարհներին, Արագածոտնի մարզի Ապարանի և Արագածի տարածաշրջանների ավտոճանապարհներին տեղ-տեղ առկա է մերկասառույց:
Շիրակի մարզի Գյումրի քաղաքում, Աշոցք և Ամասիա գյուղերում, Լոռու մարզի Տաշիր և Ստեփանավան քաղաքներում տեղում է ձյուն:
Ալագյազ-Ռյա Թազա ավտոճանապարհի հատվածում առկա է թեթև բուք, տեսանելիությունը՝ 50 մ:
Վրաստանի ՆԳՆ արտակարգ իրավիճակների դեպարտամենտից ստացված տեղեկատվության համաձայն` Լարսի անցակետը փակ է բոլոր տեսակի ավտոմեքենաների համար:
