ՄԻՊ-ը «Փոքր Մհերում» երեխաներին նվաստացնելու փաստեր է բացահայտել

«Փոքր Մհեր» կրթահամալիրի սաները ՄԻՊ գրասենյակի աշխատակիցներին մտահոգիչ փաստեր են պատմել ուսումնական հաստատությունում իրենց նկատմամբ նվաստացուցիչ վերաբերմունքի մասին: Այս մասին լրագրողներին ասել է ՀՀ մարդու իրավունքների պաշտպան Արման Թաթոյանը՝ խոստանալով, որ դրանք ներկայացնելու է պատասխանատու պետական կառույցներին ու հետևողական է լինելու, որպեսզի երեխաների պահանջները կատարվեն: