Կոլումբիացի փրկարարները դադարեցրել են որոնողական աշխատանքներն ինքնաթիռի վթարի վայրում, քանի որ կարծում են, որ այլևս փրկվածներ չկան։ Այդ մասին հաղորդել է 360 Radio Colombia ռադիոկայանը` հղում անելով Անտիոքիա նահանգի ոստիկանապետ, գեներալ Խոսե Ասևեդոյին։
Բրազիլական «Շապեկոենսե» թիմը վթարի է ենթարկվել Կոլումբիայում: Բրազիլացիները ուղևորվում էին Կոլումբիա, որտեղ Հարավամերիկյան գավաթի եզրափակիչ փուլի առաջին հանդիպումն էին անցկացնելու «Աթլետիկոյի» (Նասիոնալ) հետ:
Ողբերգությունը տեղի է ունեցել Կոլումբիայի Անտիոքիա նահանգի Լա Ունիոն շրջանում։ Ըստ վերջին տվյալների` օդանավի 72 ուղևորներից փրկվել են 6-ը, որոնց թվում են «Շապեկոենսե» թիմի երեք ֆուտբոլիստները` Ալան Ռուշելը, Ջեքսոն Ֆոլմանը և Մարկոս Դանիլոն:
