ԵՐԵՎԱՆ, 29 նոյեմբերի — Sputnik. ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը եղանակի վերաբերյալ որոշ տեղեկություններ է հրապարակել Ֆեյսբուք սոցիալական ցանցի իր էջում։
«Նոյեմբերի 30-ի ուշ երեկոյան, դեկտեմբերի 1-ի գիշերն արդեն տեղումներ կսկսվեն, որոնք կշարունակվեն մինչև դեկտեմբերի 2-ը: Լեռնային շրջաններում տեղումները կլինեն ձյան տեսքով, նախալեռնային շրջաններում՝ թաց ձյան տեսքով, հովտային շրջաններում՝ եւ թաց ձյան եւ ձնախառն անձրեւի տեսքով: Ամսի 3-ին տեղումները կդադարեն»:
ՀՀ արտակարգ իրավիճակների նախարարության «Հիդրոմետ» ծառայության տվյալով` օդի ջերմաստիճանը դեկտեմբերի 1-ի գիշերը կբարձրանա 6-8 աստիճանով, դեկտեմբերի 2-ի ցերեկը կնվազի 1-3 աստիճանով:
