ԵՐԵՎԱՆ, 28 նոյեմբերի — Sputnik. Ոստիկանները սպանել են Օհայոյի համալսարանում կրակ բացած տղամարդուն։ Այս մասին հայտնում է ՌԻԱ Նովոստին։
Իրավապահ մարմինների կարգադրությամբ` համալսարանում պարապմունքները դադարեցվել են, ուսումնական համալիրի որոշ մասնաշենքեր փակվել են։
Համալսարանի ոստիկանությունը հայտնում է, որ տղամարդուն սպանել են ոստիկանները։
Ավելի վաղ նշվել էր, որ կասկածյալները երկուսն են, սակայն այդ տեղեկությունը չէր հաստատվել։
Համալսարանի նախագահ Մայքլ Դրեյքը հայտնել էր, որ հարձակում գործած տղամարդը մեքենան ուղղել էր մարդկանց վրա, այնուհետև դանակով հարձակվել նրանց վրա։ Վերջին տվյալով` միջադեպի հետևանքով տուժել է 9 մարդ, որոնցից մեկը ծայրահեղ ծանր վիճակում է։
