ԵՐԵՎԱՆ, 27 նոյեմբերի — Sputnik. Անգլիայի Պրեմիեր լիգայի 13-րդ տուրում «Մանչեսթեր Յունայթեդը» սեփական հարկի տակ ընդունեց «Վեսթ Հեմին»:
Խաղն ավարտվեց ոչ-ոքի՝ 1:1: Հաշիվը 2-րդ րոպեին բացեց հյուրերի հարձակվող Դիաֆրա Սախոն: Նրան պատասխանեց «կարմիր սատանաների» հարձակվող Զլատան Իբրահիմովիչը:
Հանդիպմանը մասնակցեց նաև Հայաստանի ազգային հավաքականի կիսապաշտպան Հենրիխ Մխիթարյանը, ով խաղադաշտ մտավ խաղի 65-րդ րոպեին: Նա կարող էր գոլի հեղինակ դառնալ, սակայն հարվածից հետո գնդակը դիպավ ուղղահայաց դարպասաձողին:
Այս խաղից հետո «Մանչեսթեր Յունայթեդը» 20 միավորով զբաղեցնում է ԱՊԼ-ի ընթացիկ առաջնության աղյուսակի 6-րդ հորիզոնականը:
«Վեսթ Հեմը» 12 միավորով 16-րդ տեղում է:
