ԵՐԵՎԱՆ, 27 նոյեմբերի — Sputnik. Պարող գորշ արջի տեսագրությունը հայտնվել է Facebook-ի Խոսրովի արգելոցի պաշտոնական էջում և դարձել ամենադիտվածներից մեկը:
Պարող արջին նկարահանել է Խոսրովի արգելոցում տեղադրված տեսախցիկը: Կենդանուն հետևելը մեծ հաճույք է:
Խոսրովի անտառ-արգելոցը կազմավորվել է 1958 թվականին ՀՀ Արարատի մարզում՝ Գեղամա լեռնավահանի հարավ-արևմուտքում: Կենդանական աշխարհն ընդգրկում է ձկների 9, երկկենցաղների 4, սողունների 30, թռչունների 142, կաթնասունների 50 տեսակ։
