ԵՐԵՎԱՆ, 27 նոյեմբերի — Sputnik. Հալեպահայ հայտնի ռեժիսոր Ավո Գաբրիելյանի «Տներ առանց դռների» ֆիլմը իտալական Թուրինի 34-րդ վավերագրական ֆիլմերի փառատոնում արժանացել է գլխավոր մրցանակի, հայտնում է arevelk-ը:
Ավո Գաբրիելյան
© arevelk
Ֆիլմը պատմում է Սիրիայի պատերազմի մասին: Նկարահանումների համար ռեժիսորը հանդիպել է արգելքների, ինչի պատճառով նա ամբողջ ֆիլմը նկարահանել է իր տան պատշգամբից`գաղտնի:
Նկարահանումների ժամանակ Ավո Գաբրիելյանը ձերբակալվել է Սիրիայի պետանվտանգության կողմից և որոշ ժամանակ պահվելուց հետո ազատ արձակվել:
«Տներ առանց դռների» ֆիլմն այս տարի ցուցադրվել է նաև Բեռլինի և Պրահայի միջազգային կինոփառատոներում: Սիրիայի պատերազմից հետևանքով ռեժիսորն ընտանիքի հետ գաղթել է Լիբանան, որտեղ նույնպես զբաղվում է վավերագրությամբ:
