ԵՐԵՎԱՆ, 26 նոյեմբերի — Sputnik. Ֆիդել Կաստրոյի մահվան լուրը հայտնել Կուբայի ներկայիս առաջնորդ Ռաուլ Կաստրոն: Այս մասին գրում է ՌԻԱ Նովոստին:
Կուբայի հեղափոխական զինված ուժերի մայոր Ֆիդել Կաստրոն ծնվել է 1926թ.-ի օգոստոսի 13-ին, Կուբայի Օրիենտե նահանգում։
Ֆիդել Կաստրոն 1976 թվականի դեկտեմբերից, 30 տարի շարունակ եղել է Կուբայի պետխորհրդի և նախարարների խորհրդի ղեկավարը, ինչպես նաև Հեղափոխական զինված ուժերի գլխավոր հրամանատարը և Ազգային պաշտպանության խորհրդի նախագահը։
2006 թվականի հուլիսի 31-ին Կաստրոն առողջական խնդիրների պատճառով իր պարտականությունները փոխանցել էր եղբորը՝ Ռաուլ Կաստրոյին։
