ԵՐԵՎԱՆ, 25 նոյեմբերի — Sputnik. Կանանց իրավունքների կենտրոնի տվյալով` Հայաստանում 2016թ-ի սկզբից ի վեր ընտանեկան բռնության հետևանքով մահացել է 14 կին։ Sputnik Արմենիան պատմում է աղմկահարույց 5 սպանության մասին, որոնք տեղի են ունեցել 2016 թվականի ընթացքում։
- 31-ամյա Վլադիկ Մարտիրոսյանը հունիսի 8-ին կացնով սպանել էր նախկին զոքանչին, վնասել նախկին կնոջը` Թագուհի Մանսուրյանին ու նրա հորը։ Զոքանչը մահացել էր, իսկ Թագուհին և նրա հայրը բազմաթիվ վնասվածքներով տեղափոխվել էին հիվանդանոց։ Մարտիրոսյանը ձերբակալվել էր։
Դատավոր Նելլի Բաղդասարյանի կայացրած դատավճռի համաձայն` Վլադիկ Մարտիրոսյանը նախկինում կնոջը կտտանքների ենթարկելու համար դատապարտվել էր վեց ամսվա ազատազրկման, սակայն ավելի ուշ ազատ էր արձակվել։
Հարևանների խոսքով` Մանսուրյանները շենքում գրեթե բոլորի հետ վատ հարաբերություններ են ունեցել։ Ոմանք նույնիսկ արդարացրել են նախկին փեսային։
- 2015թ-ի սեպտեմբերի 39-ամյա Արտակ Առաքելյանը որսորդական դանակով սպանել էր նախկին կնոջը` 38-ամյա Հեղինե Դարբազյանին։ Քրեական գործի նյութերի համաձայն` հանցագործությունը կատարվել է «խանդի հողի վրա», կնոջ անհավատարմության պատճառով։
Սպանված Քրիստինե Դարբազյանի քույրը լրագրողներին պատմել էր, որ Հեղինեն ու նրա նախկին ամուսինն անհաշտ են եղել, Առաքելյանը պարբերաբար սպառնացել է սպանել Հեղինեին։ Հերթական վեճից հետո Հեղինեն դիմել է ոստիկանություն` հայտարարելով, որ նախկին ամուսինը սպառնացել է իրեն։
Առաքելյանին կանչել են ոստիկանություն, զրուցել նրա հետ` պահանջելով հեռու մնալ կնոջից։ Սպանվածի քույրն ասել է, որ վերջին տարիներին ամուսինները մի քանի անգամ բաժանվել և միացել են, բայց սպանության պահին առանձին են ապրել։
- 2016թ-ի հոկտեմբերի 6-ին Դաղստանի Բելիջի գյուղում դաժան սպանություն էր կատարվել։ Մալիկ Մամեդովը սպանել էր կնոջը` Էլնար Մագոմեդովային, որից հետո փորձել էր ինքնասպան լինել։
Աֆեկտի վիճակում գտնվող տղամարդը ավտովթարի էր ենթարկվել և մահացել։
Հայտնի չէ, թե տղամարդուն ինչն է դրդել նման քայլի, սակայն փաստ է, որ նրա հինգ երեխաները որբ են մնացել։
- Խերսոնյան շրջանում տղամարդը բանտից դուրս գալուց հետո կացնով սպանել էր նախկին կնոջը, քանի որ վերջինս չէր ցանկացել ապրել նրա հետ։
Տղամարդը սպանել էր կնոջը, որպեսզի նրա հետ չկիսի բնակարանը։
Ոստիկանները հայտնաբերել էին 29-ամյա կնոջ դին, որի գլխի վրա կացնի հարվածների հետքեր էին եղել։
38-ամյա կնոջ անհետանալու մասին լուրը ոստիկանությանը հայտնել էր նրա քույրը։ Նա ասել էր, որ քույրը մի քանի օր առաջ գնացել է Խերսոն` նախկին ամուսնու մոտ և չի վերադարձել։
- Սամարայի մարզում 34-ամյա տղամարդը սպանել էր 42-ամյա կնոջն ու 2 երեխաներին, այնուհետև ինքնասպանություն գործել։ Նրանց մարմինները հայտնաբերել էին տանը։ Կնոջ և երեխաների դիակների վրա կտրող-ծակող գործիքների հետքեր էին եղել:
