ԵՐԵՎԱՆ, 24 նոյեմբերի — Sputnik. Խաբարովսկ քաղաքում անցկացվող Հայկական մշակույթի օրերի շրջանակում զգային խոհանոցի ուտեստներ պատրաստելու դասեր կանցկացվեն։ Այս մասին հայտնում է «Խաբարովսկի երկրամասն այսօր» լրատվական գործակալությունը։
Հյուրերին կներկայացվի 7-8 բաղադրատոմս։ Բացի այդ, կկազմակերպվեն հայոց լեզվի դասընթացներ։ Հայկական կիրակնօրյա դպրոցի ուսուցիչները դասեր կանցկացնեն բոլոր ցանկացողների համար։
«Հայոց լեզուն զգալիորեն տարբերվում է ռուսերենից։ Մեր այբուբենում կան տառեր, որոնք գրությամբ նման են լատիներենին, բայց այլ կերպ են հնչում»,- ասել է Խաբարովսկի երկրամասում «Ռուսաստանի հայերի միության» համառուսական կազմակերպության բաժանմունքի նախագահ Ավետիք Գալստյանը։
Ավելի վաղ Խաբարովսկում տեղի էր ունեցել կոմպոզիտոր Ալեքսեյ Հեքիմյանի կյանքին և ստեղծագործությանը նվիրված ֆիլմի ցուցադրություն, ինչպես նաև Խաբարովսկից Հայաստան այցելած լուսանկարիչների «Տերևներ և արմատներ» նախագծի ցուցահանդեսը։
