ԵՐԵՎԱՆ, 23 նոյեմբերի — Sputnik. Պաշտպանության նախկին նախարար Սեյրան Օհանյանի կինը՝ Ռուզան Խաչատրյանը, առողջապահության նախարարի խորհրդականի պաշտոնից ազատվելու դիմում է ներկայացրել նախարար Լևոն Ալթունյանին: Այս մասին Sputnik Արմենիային հայտնեցին Առողջապահության նախարարությունից:
Ռուզան Խաչատրյանն առողջապահության նախարարի 7 խորհրդականներից մեկն է, որը նախարարին խորհուրդներ է տալիս մասնավորապես զինծառայողների առողջական խնդիրների լուծման վերաբերյալ:
Ռուզան Խաչատրյանն այդ պաշտոնում նշանակվել է 2012թ-ին, նախարար Դերենիկ Դումանյանի հրամանով:
