Սերժ Սարգսյանը կրթության ոլորտի պատասխանատուների և վարժարանի ղեկավարության ուղեկցությամբ շրջայց է կատարել Հայաստանի Հանրապետության առաջին փորձարարական ոչ պետական դպրոցում, ծանոթացել հանրակրթության ոլորտում միջազգային ճանաչում ունեցող նորարարական-գիտական կենտրոնի հիմնանորոգված ուսումնական մասնաշենքի պայմաններին, կրթական ծրագրերին, զրուցել դպրոցի սաների և ուսուցիչների հետ:
Առաջին ուսումնական տարում վարժարանն ուներ 49 աշակերտ, 21 շրջանավարտ։ 2200 շրջանավարտ ունեցող վարժարանում այժմ սովորում է ավելի քան 700 աշակերտ։
Վարժարանի շրջանավարտների 95 տոկոսից ավելին բուհ է ընդունվում առաջին տարում։ Միջազգային բակալավրիատի «Դիպլոմա» ծրագրով «Քվանտի» շրջանավարտների քննական գնահատականների միջինը 3-5 միավորով բարձր է աշխարհի այլ դպրոցների նույն ծրագրով սովորողների քննական միջին գնահատականներից։
