ԵՐԵՎԱՆ, 22 նոյեմբերի — Sputnik. «Ուրալյան ավիաուղիները» Ռոստով-Գյումրի չվերթը կգործարկի դեկտեմբերի 2-ից։ Այս մասին հայտնում է uralinform.ru-ն։
Հաղորդագրության համաձայն` ինքնաթիռները նշված երթուղին կիրականացնեն միայն ուրբաթ օրերը։
Սա Հայաստանի ուղղությամբ իրականացվող միակ չվերթը չէ։
Ավիաընկերությունը նաև շաբաթական վեց թռիչք է իրականացնում Դոնի Ռոստովից դեպի Երևան։
«Ուրալյան ավիաուղիներ» ընկերությունը որոշել է նոր չվերթը գործարկել ձմեռային արձակուրդի նախաշեմին, քանի որ Հայաստանը սիրված հանգստավայր է ձմեռային մարզաձևերի սիրահարների համար։
«Լեռնադահուկորդները, սնոուբորդիստներն ու ձյունագնաց ավտոմեքենաների սիրահարները նախընտրում են Թեղենիսի երկար ու զառիվայր լանջերը։ Ջերմուկի և Սևանի ավտոմայրուղիներն էլ հարմար են սկսնակ և միջին մակարդակի մարզիկների համար»,- նշված է ընկերության հաղորդագրության մեջ։
Տոմս կարելի է գնել ավիաընկերության կայքի կամ Uralairlines բջջային հավելվածի միջոցով։
