Հայաստանն այս տարի ներկայացնում էին Մերի Վարդանյանն ու Անահիտ Ադամյանը: Հայ երգչուհիները ընդամենը յոթ միավորով զիջեցին Վրաստանի ներկայացուցչին, և այս տարվա հաղթող ճանաչվեց Մարիամ Մամադաշվիլին:
Մերին ու Անահիտը եվրատեսիլյան բեմում կատարեցին Նիկ Եգիբյանի և Ավետ Բարսեղյանի հեղինակած «Տարբեր» կոչվող երգը:
«Մանկական Եվրատեսիլ»-ն այս տարի անցկացվեց 14-րդ անգամ: Մալթայի մայրաքաղաք Վալետան 2-րդ անգամ էր հյուրընկալում մրցույթը:
Մրցույթին մասնակցեց 17 երկիր՝ Ալբանիան, Հայաստանը, Ավստրալիան, Բելառուսը, Բուլղարիան, Կիպրոսը,Վրաստանը, Իռլանդիան, Իսրայելը, Իտալիան, Մակեդոնիան, Մալթան, Նիդեռլանդները, Լեհաստանը, Ռուսաստանը, Սերբիան, Ուկրաինան:
