ԵՐԵՎԱՆ, 17 նոյեմբերի — Sputnik. Ղարաբաղյան հակամարտությունը կարող է լուծվել միայն փոխզիջման միջոցով, ասել է Սերժ Սարգսյանը։
«Իհարկե, կա որոշում, և մենք հասկանում ենք, որ այն պետք է հիմնվի փոխզիջումների վրա, դա այն դեպքը չէ, որ հաղթել է Հայաստանը կամ Ադրբեջանը, կամ էլ Ղարաբաղը»,- ասել է Սերժ Սարգսյանը Դմիտրի Կիսելյովին։
Սարգսյանը հիշեցրել է, որ ԵԱՀԿ Մինսկի խմբի շրջանակում մշակվել է հակամարտության կարգավորման երեք սկզբունք, և այդ սկզբունքները գոյություն ունեն մինչև հիմա։
Նախագահը նշել է, որ Երևանը պատրաստ է վերադառնալ Բաքվի հետ բանակցություններին, սակայն միայն այդ սկզբունքների հիման վրա։
Հարցազրույցի ամբողջական տեքստը կարող եք ընթերցել Sputnik Արմենիա կայքում 11։00-ին։
