ԵՐԵՎԱՆ, 17 նոյեմբերի — Sputnik. Լուրն այն մասին, որ ռուսական կառավարության ղեկավար Դմիտրի Մեդվեդևն առաջարկել է «ամերիկանո» սուրճը վերանվանել «ռուսիանո», միանգամից տարածվեց համացանցում։
Սակայն բլոգերները պարզեցին, որ «ռուսիանո» բառը հորինել է Հայաստանի վարչապետ Կարեն Կարապետյանը, որը նույնպես մասնակցել է Եվրասիական միջկառավարական խորհրդի նիստին։
Մեդվեդևի արտահայտությունը բուռն քննարկումների թեմա է դարձել, և բլոգերներին հատկապես դուր է եկել «ռուսիանո» բառը։ Սակայն տեսագրությունից երևում է, որ այդ բառի հեղինակը բոլորովին էլ Մեդվեդևը չէ։
«Սուրճը «ռուսիանո» է առաջարկել վերանվանել ոչ թե Մեդվեդևը, այլ` Հայաստանի վարչապետը», — twitter-ի իր միկրոբլոգում գրել էր Ռուստեմ Ադագովը։
А «руссиано»-то кофе предложил назвать не Медведев, а кто-то из делегации Армении. :-) pic.twitter.com/Sh2odloBq8
— Рустем Адагамов (@adagamov) 17 ноября 2016 г.
Տեսանյութում երևում է, որ ՌԴ վարչապետն իրականում ասել է արտահայտության միայն առաջին մասը։
«Վերջին անգամ արևելյան սուրճ չէր։ Ի դեպ, արևելյան սուրճը փոխեցի և ասում եմ` ինձ ամերիկանո տվե՛ք։ Դա ընդհանրապես քաղաքական առումով կոռեկտ չէ։ Եկե՛ք «ամերիկանոն» վերանվանենք»,- ասում է Մեդվեդևը։
Մեդվեդևի առաջարկին միանգամից արձագանքում է Հայաստանի վարչապետ Կարեն Կարապետյանը` կատակով առաջարկելով «ռուսիանո» տարբերակը։
