ԵՐԵՎԱՆ, 16 նոյեմբերի — Sputnik. Հայաստանի և Ռուսաստանի անվտանգության խորհրդի քարտուղարներ Նիկոլայ Պատրուշևն ու Յուրի Խաչատուրովը Մոսկվայում կայացած հանդիպման ժամանակ քննարկել են ԼՂՀ հակամարտության խաղաղ կարգավորման գործընթացը, հայտնում է ՀՀ անվտանգության խորհրդի մամուլի ծառայությունը։
Հաղորդագրության համաձայն` հանդիպման ընթացքում քննարկվել է երկկողմ և բազմակողմանի համագործակցության հարցերի լայն շրջանակ։
Կողմերն անդրադարձել են Հարավային Կովկասում տիրող իրավիճակին, ԼՂ հիմնախնդրի խաղաղ կարգավորման գործընթացին։
Զրուցակիցները կարևորել են երկու երկրների միջև ռազմատեխնիկական համագործակցության ընդլայնումը, ինչպես նաև տարբեր ոլորտներում համատեղ ծրագրերի իրագործումը: Հանդիպման արդյունքներով ստորագրվել է 2017-2018թթ. համագործակցության պլանը: Չորեքշաբթի տեղի է ունեցել նաև երկու երկրների անվտանգության խորհրդների աշխատակազմի ներկայացուցիչների փորձագետների խորհրդատվություններ:
