ԵՐԵՎԱՆ, 15 նոյեմբերի — Sputnik. Տաքսու վարորդը, որը նոյեմբերի 13-ին վրաերթ է կատարել Մոսկվայում հասարակական տրանսպորտի կանգառում գտնվող մարդկանց վրա, Հայաստանի քաղաքացի է։
Նոյեմբերի 13-ի երեկոյան Մոսկվայի հարավ-արևելքում տեղի է ունեցել ՃՏՊ տաքսի ավտոմեքենայի մասնակցությամբ, որի հետևանքով տուժել է Մոսկվայի 11 բնակիչ։
Մի քանի ավտոմեքենայի բախման հետևանքով մերկասառույցի պայմաններում տաքսին, որի ղեկին եղել է Հայաստանի 30-ամյա քաղաքացին, դուրս է եկել ճամփեզրից և վրաերթ կատարել սոցիալական տրանսպորտի կանգառի վրա, որտեղ մարդիկ են եղել։
ԶԼՄ-ների տվյալներով, որոնք հղում են անում իրավապահ մարմինների աղբյուրներին, 30-ամյա վարորդը մինչ այդ ոչ մի անգամ չի խախտել ճանապարհային երթևեկության կանոնները։
Վրաերթի հետևանքով տուժել են կանգառում գտնվող քաղաքացիներ և տաքսու ուղևորները։ Ստուգման արդյունքում կորոշվի հանցագործության նախանշանների առկայության և բացակայության վերաբերյալ հարցը` նախատեսված ՌԴ ՔՕ 238 հոդվածով (աշխատանքի կատարում կամ ծառայությունների տրամադրում, որոնք չեն համապատասխանում անվտանգության պահանջներին)։ Ստուգման արդյունքում կընդունվի դատավարական որոշում։
