ԵՐԵՎԱՆ, 15 նոյեմբերի — Sputnik. Սիրիահայ երեխաների նամակները հրապարակվել են Ազգային միացյալ նախակրթարանի ֆեյսբուքյան էջում:
«Շնորհակալություն եմ հայտնում Հայաստանի Հանրապետությանը, որ այս դժվար պայմաններում օգնեց մեզ: Երբ ես մեծանամ, ուզում եմ ձեզ պես օգնել հայ ժողովրդի բոլոր զավակներին»,- գրել է Սևակ Սիմոնյանը:
«Շատ դժվար օրեր ենք ապրում Հալեպում պատերազմի պատճառով, նյութական ծանր պայմաններն ավելի են դժվարացնում ծնողների գործը, սակայն շատ ուրախացանք, երբ որոշեցիք ձմռան ցուրտ օրերին տաքացնել մեզ` ուղարկելով շատ գեղեցիկ վերարկուներ»,- գրել է Արսենը:
«Բոլոր վերարկուներն էլ շատ գեղեցիկ էին», «բոլոր աշակերտներն էլ ուրախ էին, որովհետեւ մեր Մայր Հայաստանում բնակվող եղբայրները մեզ չէին մոռացել»,- գրել են մյուսները:
