ԵՐԵՎԱՆ, 15 նոյեմբերի — Sputnik. Հայաստանում ճանապարհատրանսպորտային պատահարներից մահացածների թիվը կրճատվել է 30 տոկոսով անցյալ տարվա համեմատ, լրագրողներին հաղորդեց Ճանապարհային ոստիկանության պետի տեղակալ, ոստիկանության փոխգնդապետ Արմեն Խաչատրյանը։
«2016թ-ին Հայաստանում գրանցվել է 2762 ՃՏՊ` վիրավորներով և զոհերով։ Մահացել է 227 մարդ, վիրավորվել` 3844», — ասաց Խաչատրյանը։
Անցյալ տարվա ցուցանիշների համեմատ ՃՏՊ քանակը նվազել է 196-ով, մահացածների թիվը` 63-ով, տուժածներինը` 265-ով։
Ճանապարհներին ավտովթարների քանակի կրճատմանը նպաստող գործոնների թվում Խաչատրյանը նշեց տեսախցիկների և արագաչափերի առկայությունը, ինչպես նաև բացատրական աշխատանքների անցկացումը։
