ԵՐԵՎԱՆ, 15 նոյեմբերի — Sputnik. ՀՀ նախագահ Սերժ Սարգսյանն այսօր շնորհավորական ուղերձ է հղել Իգոր Դոդոնին` Մոլդովայի Հանրապետության նախագահի ընտրություններում տարած հաղթանակի կապակցությամբ, հայտնում են նախագահի մամուլի ծառայությունից:
ՀՀ նախագահն իր շնորհավորական ուղերձում վստահություն է հայտնել, որ Հայաստանի և Մոլդովայի միջև ավանդական բարեկամական կապերի հետագա ամրապնդմանն ուղղված համատեղ ջանքերը կծառայեն երկկողմ փոխգործակցության ներուժի բացահայտմանը և հարաբերությունների զարգացմանը:
ՀՀ նախագահը «նորընտիր նախագահին մաղթել է հաջողություններ այդ բարձր պաշտոնում, իսկ Մոլդովայի եղբայրական ժողովրդին՝ բարգավաճում և բարեկեցություն»,- հայտնում են ՀՀ նախագահի աշխատակազմից:
Մոլդովայի նախագահական ընտրություններում հաղթել էր սոցիալիստների կուսակցության առաջնորդ Իգոր Դոդոնը, նրա մրցակիցն էր «Գործողություն և համերաշխություն» կուսակցության առաջնորդ Մայա Սանդուն։
