ԵՐԵՎԱՆ, 13 նոյեմբերի — Sputnik. Հանրապետության տարածքում նոյեմբերի 13-15-ին սպասվում է առանց տեղումների եղանակ, 16-17-ին առավելապես հյուսիսային շրջաններում սպասվում են տեղումներ:
Քամին՝ հարավ-արևմտյան, 3-8 մ/վրկ արագությամբ:
Արտակարգ իրավիճակների նախարարության պաշտոնական կայքը հաղորդում է, որ օդի ջերմաստիճանը 16-17-ին աստիճանաբար կնվազի 3-4 աստիճանով:
Երևանում նոյեմբերի 13-ին սպասվում է առանց տեղումների եղանակ, ջերմաստիճանը գիշերը 4-6, ցերեկը՝ 17-19 աստիճան է, իսկ երեկոյան կտատանվի 9-11 աստիճանի միջակայքում։
