ԵՐԵՎԱՆ, 11 նոյեմբերի — Sputnik. Բուլղարիայի մայրաքաղաք Սոֆիայում նոյեմբերի 11-ին մեկնարկող 2016 թ. սամբոյի աշխարհի առաջնությունում Հայաստանը կներկայացնի մեկ տասնյակից ավելի մարզիկ, հայտնում են սպորտի և երիտասարդության հարցերի նախարարությունից:
Սոֆիա մեկնող ՀՀ պատվիրակության կազմում, բացի մարզիկներից, ընդգրկված է նաև 4 մարզիչ: Պատվիրակությունը ղեկավարում է Հայաստանի սամբոյի ֆեդերացիայի նախագահ Լևոն Հայրապետյանը:
Հավաքականի կազմում մարզական սամբո մրցաձևում Սոֆիա են մեկնել Տիգրան Կիրակոսյանը` 52 կգ, Մաքսիմ Մանուկյանը` 57 կգ, Հովհաննես Ալեքսանյանը` 62 կգ, Ռաֆիկ Մանուկյանը` 68 կգ, Դավիթ Գրիգորյան` 82 կգ, Էդիկ Պետրոսյանը` 90 կգ։
Մարտական սամբո մրցաձևում Սոֆիա են մեկնել Մխիթար Մխիթարյանը` 57 կգ, Էռնեստ Հայրապետյանը` 62 կգ, Վաչիկ Վարդանյանը` 68 կգ, Մավրիկ Նասիբյանը` 74 կգ։
Մրցույթին կմասնակցեն նաև կին մարզիկներ` Ասյա Լալազարյանը` 48 կգ և Սոսե Բալասանյանը` 52 կգ։
Առաջնությունն անցկացվելու է մինչև նոյեմբերի 13-ը։
