ՀՀ վարչապետ Կարեն Կարապետյանն օրեր առաջ հանձնարարականներ տվեց Բնապահպանության, Էներգետիկ ենթակառուցվածքների ու բնական պաշարների նախարարներին, համագործակցելով Հանրային ծառայությունները կարգավորող հանձնաժողովի հետ՝ 15-օրյա ժամկետում Ջրի ազգային խորհրդին ներկայացնել փոքր հիդրոէլեկտրակայանների ջրօգտագործման թույլտվությունների և շահագործման լիցենզիաների տրամադրման ոլորտում տիրող ներկա վիճակի վերաբերյալ առաջարկություններ։
Մասնավորապես՝ Ախուրյան, Ձորագետ, Դեբեդ, Ազատ, Արփա, Որոտան գետերի ավազաններում նոր ՀԷԿ-երի կառուցման և նոր ջրօգտագործման թույլտվությունների տրամադրման նպատակահարմարության վերաբերյալ։
«Դրանք բոլորն այն գետերն են, որտեղ մեծ թափով հիդրոկայաններ կառուցվեցին։ Հիդրոկայաները մեր պետության համար ստրատեգիական նշանակություն ունեն։։ Կառուցելիս հաշվարկվում է գետի ջուրը, ձկնուղիների կառուցումը, բնապահպանական նորմերի սանիտարական թողքերը, այսինքն դա պարտադիր է հիդրոկայան կառուցող ՀԷԿ-երի համար»,- նշեց Նահապետյանը։
Նրա խոսքով` արտոնագիրը տրամադրվում է ` հաշվի առնելով այդ գործոնները, և եթե կա ձկների հետ կապված խնդիր, ապա պարտադիր պետք է կառուցվեն ձկնուղիներ։ Նահապետյանը կարծում է, որ հարցը շտկելու համար ժամանակ է պետք, իսկ իրենց միությունն էլ հակված է, որ բոլոր հիդրոկայանները ճիշտ կառուցված լինեն։
