ԵՐԵՎԱՆ, 10 նոյեմբերի — Sputnik. Նոյեմբերի 10-ի առավոտյան «Սանիթեք» ընկերությունը մայրաքաղաքի Ավան վարչական շրջանում ձեռնամուխ է եղել աղբահանման աշխատանքներին։
«Այսօրվանից «Սանիթեք» ընկերությունն աշխատում է նաև Ավան վարչական շրջանում։ Դա նշանակում է, որ սրանից հետո «Սանիթեքը» կսպասարկի մայրաքաղաքի բոլոր վարչական շրջանները»,- Sputnik Արմենիային ասաց ընկերության ադմինիստրատիվ մենեջեր Արա Կարապետյանը։
«Սանիթեք» ընկերությունը, որը զբաղվում է աղբահանման աշխատանքներով, Sanitek International Group միջազգային ընկերության մասնաճյուղն է, հիմնվել է 2010թ.-ին Բեյրութում։ Հայաստանի մայրաքաղքում այն սկսել է աշխատել 2014թ-ի դեկտեմբերից։
Առաջին վարչական շրջանը, որտեղ ընկերությունը սկսել է իրականացնել աղբահանման աշխատանքներ, Կենտրոնն էր։
