ԵՐԵՎԱՆ, 10 նոյեմբերի — Sputnik. Տեղեկատվական տեխնոլոգիաների ոլորտի զարգացման համար վարչապետ Կարապետյանը հանձնարարական տվեց արտաքին գործերի նախարարությանը։ Վարչապետը շեշտեց, որ շաբաթական մեկ օր տեղեկատվական տեխնոլոգիաների ներկայացուցիչների հետ պետք է հանդիպումներ կազմակերպվեն, որոնց ընթացքում կքննարկվեն, թե ինչպես է պետք «թռիչք ապահովել այս ոլորտում»։
«ՏՏ ոլորտի ներկայացուցիչները դիմել են հետևյալ խնդրանքով` 15 երկրների ՀՀ դեսպանատներում այդ հարթակն օգտագործելով` ուզում են ունենալ ներկայացուցչություններ։ Դա լրացուցիչ ծախս չէ դիվանագիտական կորպուսի համար. ծախսերը հոգալու են ՏՏ ոլորտի ներկայացուցիչները»,-ասաց վարչապետը։
Կարապետյանն այս պրոցեսի մեջ ներգրավեց նաև ՀՀ տնտեսական զարգացման և ներդրումների նախարարությանը` նպատակով, որ գուցե այդ գերատեսչությունը ևս օգնի հարթակ ստեղծել։
