ԵՐԵՎԱՆ, 10 նոյեմբերի — Sputnik. Վարչապետ Կարապետյանը լսել է բնակիչների բողոքը, որ բազմաբնակարան շենքերում և դրանց կից գործում են գիշերային ակումբներ, որոնք անհարմար դրության մեջ են դնում նրանց։
«Հանձնարարում եմ կանոնակարգել բազմաբնակարան շենքերում և դրանց հարևանությամբ գործող գիշերային ակումբների և նման զվարճանքի օբյեկտների գործունեությունը, ինչպես նաև անհրաժեշտության դեպքում այլ վայրեր տեղափոխելու նպատակով օրենսդրական անհրաժեշտ լուծումների վերաբերյալ առաջարկություններ ներկայացնել»,-ասաց վարչապետը։
Նա ընդգծեց, որ անհրաժեշտ է նախատեսել փոփոխությունները կյանքի կոչելու համար ողջամիտ ժամկետներ և պայմաններ, որպեսզի տնտեսվարողները կոնկրետ ժամանակ ունենան իրեն գործունեությունը կազմակերպելու համար։
