ԵՐԵՎԱՆ, 9 նոյեմբերի — Sputnik. Հայաստանի ազգային հավաքականի և անգլիական «Մանչեսթեր Յունայթեդի» կիսապաշտպան Հենրիխ Մխիթարյանը գրառում է կատարել ՅՈւՆԻՍԵՖ-ի 70-ամյակի կապակցությամբ:
«Այս տարի լրանում է ՅՈւՆԻՍԵՖ-ի հիմնադրման 70-ամյակը: Հնարավորություն ունենք ձեռք մեկնել և հույս պարգևել երեխաներին: Եղեք կապի մեջ և սպասեք նորությունների վաղը»,- գրել է ֆուտբոլիստը Ֆեյսբուքի իր էջում:
Նշենք, որ Մխիթարյանը դառնալու է ՅՈւՆԻՍԵՖ-ի բարի կամքի դեսպանը Հայաստանում:
Կես դարից ավելի ՅՈՒՆԻՍԵՖ-ի բարի կամքի դեսպաններն աշխարհում օգնում են երեխաներին և կանանց` պաշտպանել իրենց իրավունքներն ու բարելավել իրենց կյանքը: Երեխաներին վերաբերող հարցերի մասին իրազեկելով և օգնելով ﬕջոցներ հավաքագրել՝ ՅՈՒՆԻՍԵՖ-ի հետ աշխատող հանրաճանաչ մարդիկ հստակ ուղերձ են հղում առ այն, որ երեխաներն են առաջնահերթությունը:
