ԵՐԵՎԱՆ, 9 նոյեմբերի — Sputnik. Նոյեմբերի 12-ին Ավետիք Իսահակյանի տուն-թանգարանում տեղի կունենա Ա. Իսահակյանի «Լիլիթ» ստեղծագործության բրայլյան տարբերակով հրատարակված գրքի շնորհանդեսը, հայտնում են ՀՀ մշակույթի նախարարությունից:
Շնորհանդեսի շրջանակում համերգային ծրագրով հանդես կգա «Հայաստանի կույրերի միավորում» հասարակական կազմակերպության երգչախումբը:
Նշենք, որ նոյեմբերի 13-ը նշվում է որպես կուրություն ունեցող մարդկանց միջազգային օր, և այս ծրագրի նպատակն է օժանդակել նշված խմբի անձանց` ինտեգրվելու հասարակությանը:
