ԵՐԵՎԱՆ, 9 նոյեմբերի — Sputnik. Sputnik Արմենիա լրատվական գործակալության և ռադիոյի գլխավոր խմբագիր Ալինա Օրդյանը պարգևատրվել է ԱՊՀ, արտերկրում բնակվող հայրենակիցների և միջազգային հումանիտար համագործակցության (Ռոսսոտրուդնիչեստվո) գործերով դաշնային գործակալության «Միջազգային հումանիտար համագործակցության զարգացման, ինչպես նաև ԱՊՀ ձևավորման 25-ամյակի հետ կապված ակտիվ աշխատանքի համար» դիպլոմով։
Մրցանակի հանձնման արարողությունը տեղի է ունեցել Մոսկվայում դաշնային գործակալության կողմից բացված «ԱՊՀ-ի 25 տարին. Փոխըմբռնում, Համագործակցում, Զարգացում» միջազգային ֆորումի շրջանակներում։ Ֆորումը տևելու է մինչև նոյեմբերի 10-ը, և այդ ընթացքում կանցկացվի տարբեր թեմաների լայն քննարկում, որոնց թվում են նաև ԱՊՀ երկրների տեղեկատվական տարածքի զարգացման հեռանկարները, կրթության և գիտության ոլորտում երկրների համագործակցությունը, հասարակական դիվանագիտության զարգացումը և հետխորհրդային տարածքում գիտատեղխնիկական համագործակցությունը թեմաները։
«Շատ ուրախ եմ, որ համեմատած կարճ ժամանակահատվածում Sputnik Արմենիան իր վստահ դիրքն է գրավել ազգային ԶԼՄ-ների մեդիադաշտում և նրա աշխատանքը հայ-ռուսական հասարակական կապերի ամրապնդման ոլորտում նման բարձր գնահատականի է արժանացել»,- նշեց Օրդյանը։
Sputnik Արմենիան գործարկվել է 2015 թվականի հուլիսի 1-ին։ Գործակալությունն ունի տեղեկատվական պորտալի հայերեն և ռուսերեն տարբերակներ, ռադիո և տեխնիկապես հագեցած մուլտիմեդիոն մամուլի կենտրոն։ Liveinternet.ru–ի տվյալով` Sputnik Արմենիա լրատվական պորտալը 2016 թվականի սեպտեմբերի 1-ի դրությամբ ընդգրկվել է առաջատար առցանց–ԶԼՄ–ների ցանկում։
![«ԱՊՀ–ի 25 տարին. Փոխըմբռնում, Համագործակցում, Զարգացում» միջազգային ֆորում Մոսկվայում «ԱՊՀ–ի 25 տարին. Փոխըմբռնում, Համագործակցում, Զարգացում» միջազգային ֆորում Մոսկվայում - Sputnik Արմենիա](https://cdn.am.sputniknews.ru/img/541/61/5416146_0:13:1902:1210_600x0_80_0_0_9edd4a9dbb6b61cb5eeab4a15d200a32.jpg)
![Sputnik–ի գլխավոր խմբագիր Ալինա Օրդյանը պարգևատրվել է միջազգային հումանիտար համագործակցության մեջ ներդրում ունենալու համար Sputnik–ի գլխավոր խմբագիր Ալինա Օրդյանը պարգևատրվել է միջազգային հումանիտար համագործակցության մեջ ներդրում ունենալու համար - Sputnik Արմենիա](https://cdn.am.sputniknews.ru/img/541/60/5416073_0:0:1535:964_600x0_80_0_0_34aaacedca8a325cdebb079a2655b12f.jpg)
![Sputnik–ի գլխավոր խմբագիր Ալինա Օրդյանը պարգևատրվել է միջազգային հումանիտար համագործակցության մեջ ներդրում ունենալու համար Sputnik–ի գլխավոր խմբագիր Ալինա Օրդյանը պարգևատրվել է միջազգային հումանիտար համագործակցության մեջ ներդրում ունենալու համար - Sputnik Արմենիա](https://cdn.am.sputniknews.ru/img/541/62/5416227_0:441:1536:1406_600x0_80_0_0_34ec58ccc45ee80150e7ce7b24886e3a.jpg)
Sputnik Արմենիան Sputnik միջազգային լրատվական գործակալության և ռադիոյի մի մասն է կազմում։ Վերջինը մուլտիմեդիոն տեղեկատվական մասնաճյուղեր ունի տասնյակ երկրներում, կայքեր` ավելի քան 30 լեզվով, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով: