ԵՐԵՎԱՆ, 9 նոյեմբերի — Sputnik. Հանրապետական կուսակցությունից ԱՄՆ նախագահի թեկնածու Դոնալդ Թրամփը հաղթել է նախագահական ընտրություններում` հավաքելով ընտրիչների 276 ձայն, այդպիսին է Washington Post-ի կանխատեսումը։
Քլինթոնը, ըստ թերթի, հավաքել է 218 ձայն։ Առաջատար հեռուստաալիքները և «Ասոշիեյթիդ փրես» գործակալությունը կանխատեսում են հաղթողներին առանձին նահանգներում մինչև ձայների հաշվարկի ավարտը` հիմնվելով իրենց վիճակագրական մոդելների վրա։ Այդ կանխատեսումները պաշտոնական չեն, բայց մեծ հեղինակություն են վայելում։
Մի շարք նահանգներում դեռ ընթանում է ձայների հաշվարկը։
