ՏՏ ոլորտում Հայաստանի նախագահի մրցանակի դափնեկիր, Open-Root կազմակերպության գլխավոր տնօրեն Լուի Պուզենը Sputnik Արմենիայի թղթակցի հետ զրույցում նշեց, որ Հայաստանում ՏՏ ոլորտը զարգացած է, և կան բարձրակարգ մասնագետներ։ Զրուցեց Անի Լիպարիտյանը։
![Французский ученый, один из создателей интернета, президент компании Open Root Луи Пузен Французский ученый, один из создателей интернета, президент компании Open Root Луи Пузен - Sputnik Արմենիա](https://cdn.am.sputniknews.ru/img/540/40/5404014_0:0:1600:1068_600x0_80_0_0_d40663c358b33a78eade5c2c0fd4b51f.jpg)
- Ինչպիսի՞ն կլինի ապագայի ինտերնետը։
— Մութ։
- Ինչու՞։
— Որովհետև այն զարգանում է և կզարգանա շատ արագ տեմպերով։ Տարբեր երկրների, տարբեր հասարակությունների մարդկանց համար բարդ է նման արագության հետ զուգահեռ քայլելը։
- Իսկ ի՞նչ կասեք Հայաստանի մասին։ Այն քայլու՞մ է ժամանակին համընթաց։
— Հայաստանը հետ չի մնում։ Սա փոքր երկիր է։ Խնդիրներ սովորաբար ծագում են մեծ երկրներում, որոնք առաջ են շարժվում որոշակի բարդություններով։ Փոքր երկրներում նման բան չի նկատվում։
- Ինչպե՞ս կգնահատեիք Հայաստանի ՏՏ ոլորտի մասնագետներին։
— Ես կարծում եմ, որ նրանք լավագույններից են։ Այո, հնարավոր է, որ դուք մասնագետներ չունեք սարքավորումներ, տեխնիկա ստեղծելու և արտադրելու ոլորտում, բայց ինտելեկտի և կրթության մակարդակով միշտ բարձր եք եղել մյուսներից։ Նույնիսկ ավելի լավը, քան ԱՄՆ Ազգային անվտանգության ծառայության աշխատակիցները։