Ավտոմեքենաների համարանիշների գները կնվազեն

ԵՐԵՎԱՆ, 8 նոյեմբերի — Sputnik. Հայաստանում տրանսպորտային միջոցների որոշ համարանիշների հատկացման գները կնվազեն, հայտնում են Ճանապարհային ոստիկանությունից։

Հաղորդագրության համաձայն` ՀՀ ոստիկանության պետի 2012 թվականի մարտի 29-ի թիվ 1313-Ա հրամանում կատարված փոփոխություններով ֆիզիկական և իրավաբանական անձանց պատկանող տրանսպորտային միջոցների հաշվառման մեծ պահանջարկ ունեցող որոշ համարանիշների հատկացման գները 2016 թվականի նոյեմբերի 14-ից նվազելու են:

Այսպես՝ 150.000 (բացի YX+-XXX, XY+-XXX, XXX+-YX և XXX+-XY չափորոշիչներից), 250.000, 400.000 և 600.000 դրամ արժեք ունեցող տարբեր տառեր պարունակող համարանիշների արժեքները նվազելու են և կազմելու են, համապատասխանաբար, 100.000, 150.000, 250.000 և 500.000 դրամ։

1.500.000 դրամ արժեք ունեցող 0X+-00X, X0+-00X, 00X+-0X և X00+-0X չափորոշիչներին համապատասխանող համարանիշերի արժեքը նվազելու է և կազմելու 1.000.000 դրամ։

Մինչև 2016 թվականի դեկտեմբերի 30-ը ներառյալ 1.500.000 դրամ արժեք ունեցող XX+-XXX և XXX+-XX չափորոշիչներին համապատասխանող համարանիշների արժեքը նվազելու է և կազմելու 1.000.000 դրամ, 3.000.000 դրամ արժեք ունեցող 0X++00X, X0++00X, XX+-XXX, 00X++0X, X00++0X և XXX+-XX չափորոշիչներին համապատասխանող համարանիշների արժեքը նվազելու է և կազմելու 2.000.000 դրամ։

Իսկ 8.000.000 դրամ արժեք ունեցող XX++XXX և XXX++XX չափորոշիչներին համապատասխանող համարանիշների արժեքը նվազելու է և կազմելու 5.000.000 դրամ: